↳ Pardadaari Post No. ➪ 01 ↲
▬▬▭܀܀܀܀܀܀܀܀܀܀܀܀܀܀܀܀܀܀܀܀܀܀܀܀܀܀܀܀܀܀▭▬▬✿➺ Sawaal :- 1
Hazrat Ye Jo Aaj Kal Aurte, Ladkiyan Bazaar Me, Burka To Pehanti Hai Magar Chehra Khula Rakhti Hain Kya Ye Sahi Hai Gair Mard Ke Samne Chehra Khol Khol Sakte Hai, Aur Agar Kisi Se Kaho Ki Chehra Na Kholo To Kehti Hain Shariat Ne Chehra Kholne Ki Ijazat Di Hai, Aap Bataye Kya Sahi Hai ?
❀➺ Jawaab :-
Pardadaar Chehre Ko Chamakata Hoa, Jhothe Parde Per Kahar Barsaataa Hoa, (Raadul Hijaab Bil Baatil Nikaab) {Sabhi Maali Faili Ibadat Azmat Wale Shohrat Wale Izzat Wale Zameen Aur Aasmaan Ke Noor (Allah) Ke Liye, Jo Chamkayega, Kiyamat Me Chehra Apne Karam Se Is Tehreer Ke likhne Wale Ka, Aur Padhne Waloon Aur Khaas Kar Amal Karne Waloon ka, Unke Sath Jinke Sath Wada Kiya Gaya Ki Kuch Chehre Hashr Ke Medaan Me Chamakte Honge, Aur Durood 'O' Salaam Ho Beshumaar - Beshumaar Us Nooraani Chehre Wale Ke Liye Jiknki Aulaad Dar Aulaad Ko Imaame Aehle Sunnat Ne Noor Farmaayaa, Aur Tamaam Sahabaa Aur Aehle Bait Per Jinhone Gawaahi Di Ki Huzoor ﷺ Ka Chehra 14 Vi Ke Chand Se Zayada Chamakdaar Tha } Ji Haan Pur Fitan Dour Ko Dekhte Hue Ulmaa Ne Chehre Ko Chhipaane Ko wajib Likha Hai, Main Kehta Hoon (Allah Hi Ki Toufiq Se) Ki Saara Kamaal Aur Wabaal Chehre Ka Hi Hai, Chehra Hi Bhaata Hai, Aur Chehra Hi Dubaata Hai, Aur Kal Dozakh Me Bhi Kuch Aurte Apne Chehre Nochti Hogi, Magar Kuch Ke Chehre To Nooraani Honge To Phir Meri Is baat Me Kuch Mubaalga Nhi, Agar Main Kahoon, Ki
“Hoosn Ka Daaro - Madaar Chehre Per Hai, Jo Gair Mard Se Hoosn Ko Chhopaanaa Hai Use Chaahiye Ki Chehre Ko Chhipa Le"
📕 Fatawa Razwiya Jild : 14 Safha : 552 Per Hai
➪ “Ulaama Ne Chehre Ko Chhipaana Sadi Awwal Me Waajib Na Tha, Waajib Kar Diya"
➪ Hidaaya Me Hain :
Yaani :
“Chehre Per Parda Latkaana Aurton Per Waajib Hai"
➪ Sharh Libaas Me Hai :
“Yeh Masala Is Baat Per Dalaalat Karata Hai Ki Aurton Ko Bila Zaroorat Ajnabi Logon Per Apna Chehra Kholna Mana Hai"
➪ Dure Mukhtar Me Hai :
“Fitne Ke Khof Se Aurat Ko Mardo Me Chehra Kholne Se Roka Jaye"
“Is Qism Ke Sekdho Masail Hain Jise Ulaama Ne Waqt Ki Nazaaqat Ke Tehat Badal Diya"
Aur Jo Kahe Ki Ye Hozoor ﷺ Ke Waqt Me Nhi Tha Ya Shariat Me Pahle Nhi Tha Ab Kyun To Wo Jaheel Hai Kyuki Is Tarha Ke Hukm Shariat Ke Khilaaf Nhi Balki Eain Shariat Hi Ke Motaabik Aur Huzoor ﷺ Ke Farmaan Hi Ke Motaabik Hain, Aur Agar Koi Aehmak Aurat Jo Aehkaame Shariat Se Bekhabar Ho Aur Yun Kahe Ki Jab Doure Rasool Me Chehra Chhipaana Waajib Nhi To Ab Kyun To Iska Jawab Ye Hai Ki Doure Rasool Me To Aurte Masjid Me Bhi Namaz Padhti Thi
➪ Balki Huzoor ﷺ Ne Farmaayaa :
“Jab Tum me Se Kisi Ki Aurat Masjid Jaane Ki Ijaazat Chahe To Use Manaa Naa Karoo"(Is Hadees Ko Bukhaari Aur Muslim Ne Riwaayat Kiyaa)
➪ Aur Farmaayaa Hadees Me :
“Allah Ki Kanizon Ko Allah Ki Masjid Se Naa Roko"
(Muslim Aur Abu Daawood Ne Sunan Me Nakal Kiya)
➪ Magar Aaj Koi Aurat Nhi Kehti Ki Masjid Me Jamaat Se Namaz Padhna Chahati Hoon, Kyunki Wo To Pehle Hi Ghar Me Bhi Namaz Padhna Nhi Chahati Aur Namaz Me Kasrat Hai Buzu Aur Hath Pair Hilaane Ki Aur Chehra Dikhaane Me Husn Ka Dikhaawaa Zinat Ka Izhaar Hai Koi Kasrat Mashakqat Nhi Balki Dil Ko Bhaataa Hai, Ki Gair Hamaaraa Husn Dekhen, To Khud Gour Kar Le Ki Nafs Ki Galbe Ki Khaatir Chehra Kholnaa Chahti Hai Ya Shariat Ki Khaatir Isliye Tarha - Tarha Ke Hile Karti Hai Aur Nafs Per Fouran Shariat Aur Rasool Ka Dour Yaad Aa Jaataa Hai, Jamaat Se Namaz Per Kabhi Na Aaya, Pehli Sadi Me Aurten Masjid Jaati Magar Baad Me Waqt Ki Nazaaqat Ke Tehat Doure Faruke Aazam Me Ise Bhi Band Karna Padha, Us Waqt Kya Hazrat Umar Aur Hazrat Aaysha Ko Ye Nhi Maaloom Tha Ki Wo Aese Kaam Per Pabandi lagaa Rahe Hai Jis Per Habibe Khuda ﷺ Ne Pabandi Na Lagaai, Balki
➪ Hazrat Aaysha رضی الله عنہ Ne Farmaayaa :
“Huzoor ﷺ Hamaare Zamaane Ki Aurto Ko Dekhte To Unhe Masjid Jaane Se Manaa Karte Jaise Bani Israil Ne Apni Aurto Ko Manaa Kar Diya"
➪ “Is Farmaan Se Ye Saabit Hai Huzoor ﷺ Bhi Hote To Us Dour Ko Dekhte Hue Zaroor Yahi Hukm Dete Jo Hamne Diya"
Is Hadess Se Chamakte Chehre Ki Tarha Saaf Ho Gaya Ki Ulaamaa Ka Koi Farmaan Khilaafe Rasool Nhi Hota Balki Aen Hukme Rasool Per Hota Hai, Uske Baad Aaj Tak Ulaamaa Ne Aurto Ko Masjid Ki Haazri Se Baaz Rakha Kyunki Ab To Dour Usse Bhi Zayada Aag Barsaane Wala Hai,
➪ Fathul Qadir Me Hai:
Yaani :
“Fasaad Ke Galbe Ki Wajha Se Tam Waqto Ki Namaazo Me Jawaan Budhi Aurto Ka Nikalna Mutaakhireen Ne Manaa Farmaayaa Hai"
➪ Fikh Ka Ek Qaayda Bhi Hai Ki:
“Zamaane Ki Tabdili Ke Sabab Aehkaam Ki Tabdili Ka Inkaar Nhi Kiya Ja Sakta"
➪ Khulaasa E Kalaam Aur Meri Ray Bhi Yahi Hai Ki, Har Mard Per Laazim Hai Ki Wo Gair Ke Saamne Parde Ke Sath - Sath Apni Aurat Ko Chehra Chhipaane Ka Bhi Hukm De, Aur Jo Ye Kuch Nikaab Hote Hai Jisse Aankhe Kholi Hoti Hai,
“Mere Nazdeek Iskaa Pehannaa Bhi Napasandeeda Hai, (Aur Ye Meri Zaati Ray Hai) (Balki Aankho Sahit Pura Chehra Dhakaa Honaa Chaahiye"Iski Ek Khaas Wajeh Hai Ki Chehra Chhipaane Ka Isliye Hai Ki
“Naa Rang Dikhe Naa Umar"
Magar Nikaab Me Aankhe Khole Rehne Se Aurat Ki Umar Aur Rang Ka Andaazaa Ho Jaataa Hai Aur Ye Bhi Ki Jawaan Hai Ya Budhi
“Bas Ye Dil Me Fasaad Paidaa Karne Ke Liye Kaafi Hai"
To Chahiye Musalmaan Izzat Wale Mardo Aur Aurto Ko Ki Baazaaro Aur Gair Mard ke Saamne Muqammal Pardaa Kare Yaani Chehra Bhi Chhipaay Aur Aankhe Bhi Dhak Kar Rakhe, Aur Ghar Me Rehte Hoe Ghughant Karaa Jaa Saktaa Hai Isme Dushwaari Nhi Hai, Agar Koi Karna Chahe,
➪ Aur Mujhe Hairat Hai Doure Rasool Me To Sahaabiya Raat - Raat Bhar Namaz Padhti Thi, Rozaa Rakhti Thi, Is Kaam Ko Lekar Wo Dour Yaad Kyun Nhi Aataa Ki Ham Bhi Raato Ko Aaraam Na Karke Namaaze Padhe ?, Dour Yaad Aayaa To Chehre Ke Kholne Per ?
➪ Is Kalaam Ko Padhne Ke Baad Kahenge Kuch Bebaaq Log Ki
“Pardaa Aankho Ka Hai"
Phir Main Kahoonga Ki Agar Is Dour Me Logon Me Hayaa Zayada Aa Gae Kya Us Pehli Sadi Me Hayaadaar Nhi The Aur Mumkin Hai Phir Koi Bebaaq Bol Bethe Ki
“Dil Saaf Honaa Chaahiye"
➪ To Mera Jawab Yahi Hoga Ki Jab Hazrat Aaysha رضی الله عنہ Huzoor ﷺ Ke Mazaar Per Haazir Hoti To
(Parde Ka Khaas Khyaal Na Rakhti) Farmaati Ye Mere Shohar Hai, Phir Jab Hazrat Abu Baqar Huzoor ﷺ Ke Kadmo Me Dafan Hoe To Bhi Yahi Haal Tha Kyunki Ab Ek Shohar Ek Waalid The Magar Jab Hazrat Umar Ka Mazaar Bhi Wahi Banaa To Khob Dhak Kar Aane Lagi, Kyunki Hazrat Umar Gair Mard The, Phir Wahi Baat,
➪ Kya Hazrat Umar Se Ziyaada Izzat Wale Is Zamaane Me Aa Gaye Ya Hazrat Aaysha Se Ziyaada Hayaa Waali Aa Gai, Jo Tumhaare Sirf Dil Ka Parda Kaafi Hai, Kahi Iska Matlab Ye To Nhi Hai, Ki Aap Saabit Karna Chahte Ho Ki Aap Un Hazraat Se Ziyaada Nek Ho ???
➪ Allah Ta'Aala Se Dua Hai Ki Wo Is Kalaam Me Chhipe Asli Maqsad Me Kaamyaabi De, Aur Musalmaan Aurton Ko Ise Samajhne Aur Dil Se Qubool Karne Aur Amal Karne Ka Jazba De, Taaki Kal Chehra Khuda Ke Saamne Dikhaayaa Jaa Sake, Aur Ghar Me Dewar , Jeth, Kazin Se Bhi Ghunghat Karne Ki Toufiq Bakhshe, Aur Agar Koi Aesaa Kare To Beshak Zayada Sawaab Ki Haqdaar Hongi,
➪ Tumhaaraa Rab Farmaataa Hai Quraan Surah : 99 Aayat : 7 Me
➪ “To Jo Ek Zarra Bhar Bhalai Kare Use Dekhegaa"
➪ Aur Farmaataa Hai Surah: 94 Aayat : 5-6 Me
➪ “To Beshak Dushwaari Ke Sath Aasaani Hai , Beshak Dushwaari Ke Sath Aasaani Hai"
📕 (Pardaadaari, Page No. 9,10,11,12,13)
📬 Post Jaari Rehgi In Sha Allah...✍🏻
●•●┄─┅━━━━━━━━★✰★━━━━━━━━┅─●•●────────────────────────────⎆☝Hamaari Daawat Ek Sachche Deen Ki Taraf
────────────────────────────⎆ ✏ AAO ILM -E-DEEN SIKHE....✍🏻────────────────────────────⎆⚘🤲🏻 APNI NEK DUAAON ME YAAD RAKHE...✍︎▭▬▭▬▭▬▭▬▭▭▬▭▬▭▬▭▭▬▭▬▭▬▭▬▭
💗🧭💗🧭💗🧭💗🧭💗🧭💗🧭💗🧭💗🧭💗🧭💗